Raza Musani 
کابل: افغانستان کی طالبان حکومت نے لڑکیوں کے تعلیمی ادارے جلد کھلنے کا امکان مسترد کردیا۔ قائم مقام وزیر داخلہ سراج الدین حقانی نے ایک اجتماع سے خطاب میں کہا کہ لڑکیوں کے لیے اسکولوں اور یونیورسٹیوں کو دوبارہ کھولنے کے لیے مناسب حل تلاش کرنے کی کوششیں جاری ہیں۔ انہیں کھولنے میں کچھ وقت لگے گا۔ انہوں نے کہا کہ ان مسائل کے منطقی حل کے لیے کوششیں جاری ہیں۔ مسئلہ یہ ہے کہ جب کوئی معاملہ متنازعہ ہوجائے تو کچھ وقت لگتا ہے کہ یہ مسئلہ تنازع نہ بنے۔ حقانی نے کہا کہ ملک کے نجی شعبے کو گزشتہ دو سالوں کے دوران مختلف چیلنجز کے سامنے کے باوجود اس نے صورتحال کی بہتری میں اہم کردار ادا کیا ہے۔ اجتماع میں حصہ لینے والے نجی شعبے کے کچھ نمائندوں نے بھی لڑکیوں کے اسکول دوبارہ کھولنے کی ضرورت کا ذکر کیا۔
