Raza Musani 
جدہ: اسلامی تعاون تنظیم نے بار بار قرآن کی توہین پر سوئیڈن کے خصوصی ایلچی کی حیثیت معطل کردی۔ او آئی سی کے ایک بیان کے مطابق دو جولائی کو اجلاس میں سیکریٹری جنرل حسین ابرہیم طہٰ سے کہا گیا تھا کہ وہ ان ممالک کے خلاف خصوصی ایلچی کا درجہ معطل کرنے سمیت مختلف کارروائیوں پر غور کریں جہاں قرآن پاک اور اسلامی نشانات کی بے حرمتی کی جاتی ہے۔ اجلاس میں او آئی سی نے بعض رکن ممالک کی جانب سے مقدسات پر بار بار حملوں کے خلاف احتجاج کا خیر مقدم کیا۔ سیکریٹری جنرل او آئی سی نے کہا کہ او آئی سی کے رکن ممالک خود مختار فیصلے کریں۔ اس سے پہلے ایک بیان میں او آئی سی نے ڈنمارک میں قرآن پاک کی بے حرمتی کی مذمت کرتے ہوئے کہا کہ ڈینش حکومت اپنی بین الاقوامی ذمہ داریوں کو پورا کرے۔ آزادی اظہار کے نام پر اسلامو فوبک کارروائیوں کا مسلسل دفاع اور اسے روکنے کیلئے کوئی قدم نہ اٹھانا اسںکی حوصلہ افزائی کررہا ہے۔
