امریکا سے مذاکرات اچھا آغاز تھا، بات چیت جاری رہے گی، عراقچی

مسقط : ایرانی وزیر خارجہ عباس عراقچی نے عمان میں امریکہ کے ساتھ جوہری مذاکرات کو مثبت آغاز قرار دیا۔ مسقط میں عمانی ثالثی میں منعقدہ غیر مستقیم جوہری مذاکرات کے اختتام پر عباس عراقچی نے کہا کہ یہ ایک اچھا آغاز تھا اور بات چیت جاری رکھی جا سکتی ہے۔ انہوں نے کہا کہ مذاکرات کے آگے بڑھنے کے طریقہ کار کا فیصلہ دارالحکومتوں سے مشاورت کے بعد کیا جائے گا اور بظاہر اس بات پر اتفاق رائے موجود ہے کہ مذاکرات کو آگے بڑھایا جائے۔ نتائج کو تہران اور واشنگٹن میں غور کے بعد دیکھا جائے گا، تاہم اگلے دور کی تاریخ کا اعلان نہیں کیا گیا۔