Raza Musani 
اسلام آباد: سپریم کورٹ کے حکم کے باوجود پنجاب اور خیبرپختونخوا اسمبلی کے الیکشن کی امیدیں دم توڑ گئیں۔ پاکستانی وزارت دفاع نے ملک بھر میں ایک ساتھ انتخابات کرانے کی درخواست سپریم کورٹ میں دائر کر دی ہے۔ درخواست میں استدعا کی گئی ہے کہ ملک میں جاری سیکیورٹی صورتحال کے پیش نظر سپریم کورٹ پنجاب میں 14 مئی کو انتخابات کرانے کا حکم واپس لے۔ سندھ اور بلوچستان اسمبلی کی مدت مکمل ہونے پرپورے ملک میں ایک ساتھ انتخابات کا حکم دیا جائے۔ اُدھر الیکشن کمیشن نے سپریم کورٹ میں جمع کرائی گئی رپورٹ میں کہا ہے کہ 8 اکتوبر سے پہلے انتخابات ہوئے تو ملک میں انارکی اور افراتفری پھیلنے کا خدشہ ہے۔ الیکشن کمیشن آف پاکستان یہ ذمہ داری اٹھانے کو تیار نہیں۔ فنڈز اور امن و امان کے لیے فورس کی عدم فراہمی سے 14 مئی کو انتخابات ناممکن ہوتے جا رہے ہیں۔بیلٹ پیپرز کی چھپائی کے لیے رقم کی ادائیگی کیلئے 18 اپریل آخری تاریخ تھی، بروقت چھپائی نہ ہوئی تو ادارہ ذمہ دار نہیں ہوگا۔
