Raza Musani 
تل ابیب: 7 اکتوبر حملے کی ذمہ دار اسرائیلی حکومت ہے۔ صیہونی وزیرخارجہ نے اپنی ہی حکومت کی لنکا ڈھادی۔ اسرائیلی اخبار معاریف کے مطابق اسرائیلی وزیر خارجہ ایلی کوہن نے کہاکہ حماس حملے کی ذمہ داری اسرائیلی حکومت پر عائد ہوتی ہے۔ غفلت برتنے والوں کے احتساب کے لیے تحقیقاتی کمیٹی تشکیل دی جانی چاہیے۔ ایلی کوہن نے یہ بھی بتایا کہ یہ غزہ کی پٹی پر کنٹرول سے متعلق بات چیت کرنے کا صحیح وقت نہیں ہے، سب سے پہلی اور اولین ترجیح سلامتی اور امن کی بحالی ہے۔ انہوں نے دعویٰ کیا کہ حماس نہیں رہے گی اور ہم مغویوں کو بازیاب کرانے میں کامیاب ہوں گے۔ ہم غزہ کا سکیورٹی کنٹرول سنبھال لیں گے۔ ادھر صیہونی وزیر خزانہ بیزالیل اسمورٹچ نے جنگ کے بعد غزہ میں صیہونی آباد کاری کا مطالبہ کردیا۔ صیہونی وزیر نے کہاکہ غزہ سے فلسطینیوں کا اخراج ہوگا اور ہم وہاں رہیں گے۔ ہم ایسی صورتحال کی اجازت نہیں دیں گے جس میں 20 لاکھ لوگ رہتے ہوں.
