Raza Musani 
واشنگٹن: اسرائیلی فوج جنوبی لبنان پر حملے کا منصوبہ بنارہی ہے۔امریکہ نے اسرائیل کو خبردار کیا ہے کہ حزب اللہ سے جنگ کے خطرناک نتائج برآمد ہوں گے۔ امریکی اخبار واشنگٹن پوسٹ کی رپورٹ کے مطابق اسرائیلی فوج جنوبی لبنان پر حملے کا منصوبہ بنارہی ہے۔ منصوبے کو وزیراعظم نیتن یاہو اور وزیردفاع گیلنٹ دیکھ رہے ہیں۔ امریکی خفیہ رپورٹ کے مطابق حزب اللہ سے جنگ اسرائیل کو بہت بھاری پڑے گی۔حزب اللہ جنگ کے لیے ناصرف تیار ہے بلکہ حزب اللہ دفاعی کے بجائے جارحانہ جنگ کی صلاحیت رکھتی ہے اور حزب اللہ کے اسرائیل میں داخل ہونے سے بڑے پیمانے پر تباہی ہوسکتی ہے اور جنگ میں شکست سے اسرائیل کی خطے میں گرفت کمزور ہوگی۔
