Raza Musani 
بغداد : عراق میں صدر دھڑے کے سربراہ مقتدیٰ الصدر نے انتخابی نتائج پر اعتراض کرنے والوں سے قانونی راستہ اختیار کرنے کی اپیل کی ہے۔ انہوں نے انتخابی نتائج کے حوالے سے اقوام متحدہ کے رہنما جنین هنیس پلاسخارت کے بیان کو امید افزا قرار دیا ہے۔ مقتدی صدر نے کہا کہ عراقی عوام ایک قومی حکومت کی تشکیل چاہتے ہیں تا کہ اس ملک میں امن و امان اور قانون کی بالا دستی ہو۔ انہوں نے کہا کہ اقوام متحدہ کے نمائندے نےانتخابات میں دھاندلی نہ ہونے کی جانب اشارہ کیا اس لئے عدالت کو چاہئیے کہ وہ احتجاج کے خاتمے کیلئے سیاسی دباؤ میں نہ آئے۔ انہوں نے تمام گروپوں سے تحمل سے کام لینے اور انتخابی نتائج پر اعتراض کرنے کے لئے قانونی راستہ اختیار کرنے کی اپیل کی۔
