Raza Musani 
غزہ : غزہ میں جنگ بندی کے باوجود انسانی المیہ برقرار ہے۔ ملبے نے لاشیں اگلنا شروع کردی ہیں جبکہ اب تک پانچ لاکھ افراد واپس لوٹ چکے ہیں۔امدادی اداروں کے مطابق جنگ بندی کے پہلے مرحلے کے بعد بھی غزہ کی تباہ حال گلیوں اور ملبوں کے نیچے ہزاروں افراد کا کوئی سراغ نہیں مل سکا۔ امدادی ٹیموں نے بتایا ہے کہ اب بھی تقریباً نو ہزار پانچ سو فلسطینی لاپتہ ہیں، جن کی تلاش جاری ہے۔
ہفتے کی صبح سے شام تک ایک سو پچیس شہدا کی باقیات ملبے سے نکال کر اسپتال پہنچائی گئیں۔ جمعہ کو بھی ایک سو پینتیس لاشیں ملبے سے نکالی گئی تھیں۔
اُدھر جنوبی علاقوں سے متاثرین کی تیزی سے شمالی علاقوں کی طرف واپسی جاری ہے۔ مقامی انتظامیہ کے مطابق پانچ لاکھ سے زائد افراد لوٹ چکے ہیں اور یہ سلسلہ جاری ہے۔
