مئی کا سب سے گرم دن, شنگھائی میں گرمی کا 100 سالہ ریکارڈ ٹوٹ گیا

شنگھائی: چین کے شہر شنگھائی میں پیر کو شہر میں پڑنے والی گرمی نے 100 سالوں میں مئی کے سب سے گرم دن کا ریکارڈ توڑ دیا۔ چین کے موسمیاتی ادارے کی جانب سے جاری ایک پوسٹ میں لکھا گیا کہ دوپہر ایک بج کر نو منٹ پر درجہ حرارت 36.1 ڈگری سینٹی گریڈ ریکارڈ کیا گیا جو مئی میں 100 سالوں میں ریکارڈ ہونے والا سب سے زیادہ درجہ حرارت ہے۔
سائنس دانوں کا کہنا ہے کہ گلوبل وارمنگ منفی موسم کو بڑھا رہی ہے، اقوام متحدہ کے بین الحکومتی پینل آن کلائمیٹ چینج کی ایک حالیہ رپورٹ میں خبردار کیا گیا ہے کہ گلوبل وارمنگ کا ہر اضافہ متعدد اور ایک ساتھ ہونے والے خطرات کو تیز کرے گا ۔
موسمیاتی سروس نے مزید بتایا کہ اس سے پہلے چار مرتبہ شہر میں 35.7 ڈگری درجہ حرارت ریکارڈ کیا گیا تھا لیکن آج اس سے ایک ڈگری سینٹی گریڈ زیادہ گرمی پڑی ہے۔