مالدیپ کا مستقبل اسلام میں مضمر ہے، صدر معیزو

مالدیپ : مالدیپ کے صدر محمد معیزو نے کہاہے کہ مالدیپ کا مستقبل اسلام اور خود مختاری کے تحفظ میں مضمر ہے. مالدیپ کے صدر نے پارلیمان سے اپنے پہلے خطاب میں ہندوستان کا نام لیے بغیر ملک کی سالمیت اور خود مختاری کی حفاظت کے لیے قومی ڈیفنس فورس بنانے کا اعلان کیا ہے۔ انہوں نے کہا کہ ہندوستان کے ساتھ سفارتی ذرائع سے بات چیت جاری ہے۔ ہم نے مالدیپ میں موجود غیر ملکی فوجیوں کو واپس بلانے کی درخواست کی ہے۔ یہ بات چیت اب بھی جاری ہے۔ مجھے مالدیپ کی سرزمین سے غیر ملکی فوجیوں کو ہٹانے کے لیے عوام کی حمایت حاصل ہے۔