Raza Musani 
کراچی: لبنان میں پھنسے پاکستانیوں کو لے کر خصوصی پرواز کراچی پہنچ گئی۔ غیر ملکی ایئرلائن کی پرواز میں ستر سے زائد پاکستانی لبنان سے کراچی پہنچے۔ پاکستانیوں کو لانے والی خصوصی پرواز ایک گھنٹہ تاخیر سے رات تین بجے جناح انٹر نیشنل ایئر پورٹ پر لینڈ ہوئی۔ خصوصی طیارے میں 70افراد سوار تھے ۔ جن میں چھایسٹھ لبنان اور چار شام میں مقیم پاکستانی تھے۔ گورنر سندھ کامران ٹیسوری، وفاقی وزیر خالد مقبول صدیقی اور صوبائی وزیر جام اکرام اللہ دھاریجو ایئرپورٹ پر موجود تھے اور وطن واپس آنے والوں کا استقبال کیا۔ اس موقع پر باحفاظت واپس پاکستان پہنچنے والے شہریوں کے اہل خانہ کی خوشی بھی دیدنی تھی۔ مسافر باہر آئے تو اہل خانہ جزبات پر قابو نہ رکھ سکے۔
