وفاق المدارس الشیعہ کا ملک بھر میں صوبائی اور علاقائی دفاتر قائم کرنے کا فیصلہ

لاہور : وفاق المدارس الشیعہ پاکستان کی سپریم کونسل اور مرکزی کابینہ کا مشترکہ اجلاس علامہ حافظ سیدریاض حسین نجفی کی زیر صدارت منعقد ہوا۔ اجلاس میں مدارس دینیہ کے معاملات پر غور اور فیصلہ کیا گیا کہ بہتر روابط کے لئے وفاق المدارس کے صوبائی اور علاقائی دفاتر قائم کیے جائیں گے۔ یہ دفاتر خیبر پختونخواہ، پنجاب،سندھ، بلوچستان، گلگت بلتستان ،آزاد کشمیر اور وفاقی دارالحکومت اسلام آباد میں قائم ہوں گے۔ اجلاس میں اربعین واک ( مشی)،گھروں میں مجالس اور نیاز پکانے پر مقدمات کے اندراج کو مسترد کرتے ہوئے ایف آئی آرز واپس لینے کا مطالبہ کیا۔ اجلاس میں مہنگائی کے طوفان پر تشویش کا اظہار بھی کیا گیا اور حکومت سے اشیائے ضروریہ کی قیمتیں واپس لینے کا مطالبہ کیا گیا۔جامعة الکوثر میں منعقدہ اجلاس میں علامہ سید ساجد علی نقوی، مفسر قرآن شیخ محسن علی نجفی ،علامہ محمد تقی نقوی، سیکریٹری جنرل علامہ محمد افضل حیدری اور دیگر علما ءشریک ہوئے۔