Raza Musani 
نیو یارک : امریکی جریدے نیوز ویک نے کہا ہے کہ ایران سعودیہ معاہدے سے مشرق وسطیٰ میں امریکی اثر و رسوخ کے خاتمے کا آغاز ہوگیا۔نیوز ویک کے مطابق مشرق وسطیٰ میں امریکہ نے اکیسویں صدی میں متعدد وسائل وقف کیے تاہم اب یہاں عالمی نظام میں ایک بڑی تبدیلی واضح شکل اختیارکررہی ہے۔ نیوز ویک کی رپورٹ میں کہا گیا ہے کہ مارچ میں چین نے ایران اور سعودی عرب کے درمیان امن معاہدہ طے کرنے کےلئے مدد کی تھی جس میں خطے کے اندر طویل عرصے سے امریکہ ثالث کا کردار ادا کر رہا تھا۔ جبکہ واشنگٹن کے اس وقت تہران کے ساتھ کوئی سفارتی تعلقات نہیں ہیں اور اس کے ریاض کے ساتھ تعلقات کشیدہ ہو گئے ہیں۔
