Raza Musani 
تل ابیب: صیہونی حکومت نے مشرقی یروشلم میں صیہونی بستی میں توسیع کا منصوبہ بحال کرنے کا فیصلہ کیا ہے۔ ہائیر پلاننگ کمیٹی آئندہ پیر کو ای ون منصوبے پر غور کیلئے اجلاس کرے گی۔ کمیٹی مشرقی یروشلم آبادکاروں کیلئے 3412 رہائشی یونٹس کی تعمیر کا جائزہ لے گی۔ اگر یہ بستی تعمیر ہوگئی تو مقبوضہ مغربی کنارہ دو حصوں میں تقسیم ہوجائے گا۔ ان یونٹس کی تعمیر کی منظوری 2012 میں وزیراعظم بنیامین نیتن یاہو حکومت نے دی تھی۔ تاہم بین الاقوامی دباؤ پر منصوبے کو روک دیا گیا تھا۔ نیتن یاہو کی زیر قیادت دائیں بازو کی حکومت ایک بار پھر اس منصوبے کو آگے بڑھانے کے لیے کوشاں ہے۔
