Raza Musani 
غزہ: غزہ پر اسرائیلی فوج کے وحشیانہ حملے جاری ہیں۔ اسرائیلی بمباری سے چوبیس گھنٹوں میں خواتین اور بچوں سمیت ایک سو سولہ فلسطینی شہید ہوگئے۔ صیہونی فوجیوں نے رفح میں امداد کے حصول کیلئے موجود متاثرین پر ڈرون سے حملہ کیا جس کے نتیجے میں ہرطرف لاشیں اور زخمی بکھر گئے۔
فوجیوں نے جان بچانے کی کوشش کرنے والے فلسطینیوں پر بھی گولیاں برسائیں۔ درندگی کے اس کھیل میں اڑتیس فلسطینی شہید اور درجنوں زخمی ہوگئے۔ جنگی طیاروں نے غزہ سٹی۔ خان یونس۔ جبالیہ اور محفوظ قرار دئے گئے المواصی پر بھی فضائی اور زمینی حملے کئے جس میں بڑے پیمانے پر شہادتیں ہوئیں۔
ادھر اسرائیلی ناکابندی کے باعث غزائی قلت سے مزید تین بچے دم توڑ گئے۔
غزہ میں خوراک کی فراہمی نہ ہونے سے ہزاروں بچوں کی زندگیاں داؤ پر لگی ہوئی ہیں۔
