Raza Musani 
کابل : طالبان حکومت نے ایک بارپھر مریکا سے منجمد اثاثے بحال کرنے کا مطالبہ کر دیا۔طالبان وزیر خارجہ امیر خان متقی نےجنگ نہ ہونے کی صورت میں امریکا کی جانب سے افغان اثاثے منجمد کیے جانے کو بلا سبب قرار دے دیا۔ایک انٹرویو میں امیر خان متقی نے سوال اٹھایا کہ امریکا کی افغانستان سے اب کوئی فوجی محاذ آرائی نہیں ہے تو اس صورت میں اب افغان اثاثے منجمد کرنے کی کیا وجہ ہے؟ افغانستان کے اثاثے منجمد کرکے امریکا افغانستان کو ہی انسانی امداد دینے کا کہتا ہے اس بات کا کیا مطلب ہے افغانستان کے ساڑھے 9 ارب ڈالر کے اثاثے طالبان کے نہیں افغان عوام کے ہیں۔امریکا کو افغانستان کے مجمد اثاثے فوری جاری کرنے چاہئیں، رواں ماہ افغان وزیر خارجہ افغان اثاثے غیر منجمد کروانے کے لیے امریکی کانگریس کو بھی خط لکھ چکے ہیں۔
