Raza Musani 
واشنگٹن: امریکا کی 72 مقامی اور بین الاقوامی تنظیموں نے صدر جو بائیڈن سے صیہونی تشدد بند کرانے کا مطالبہ کردیا۔ ٹیکساس عرب امریکن ڈیموکریٹس۔ فلسطینی امریکن آرگنائزیشن نیٹ سمیت 72 تنظیموں نے امریکی صدر جوبائیڈن اور وزیر خارجہ انٹونی بلنکن کو ایک خط بھیجا ہے۔ جس میں ان پر زور دیا ہے کہ وہ فلسطینی دیہات پر صیہونی آباد کاروں کے بڑھتے حملوں کی روک تھام کیلئے فوری کارروائی کریں۔ انہوں نے مطالبہ کیا کہ متعلقہ مقامی اور قومی امریکی تنظیموں اور منتظمین کے ساتھ ان اہم مسائل پر تبادلہ خیال کیلئے ہنگامی اجلاس بلایا جائے۔ انہوں نے مطالبہ کیا کہ اسرائیل کو جوابدہ ٹھہراتے ہوئے اس کیخلاف قانون کے تحت فیصلہ کن کارروائی کی جائے اور اس بات کو یقینی بنایاجائے کہ امریکی فوجی امداد کا ایک ڈالر بھی فلسطینی بچوں کی حراست، فلسطینیوں کے گھر گرانے اور علاقوں کے الحاق جیسے مقاصد کے لیے استعمال نہ کیا جائے۔
