اسرائیل کو اسلحہ کی فروخت پر پابندی، ہسپانوی پارلیمنٹ میں قانون منظور

میڈرڈ : اسپین کی پارلیمنٹ نے اسرائیل کو اسلحہ کی فروخت پر مکمل پابندی کی توثیق کر دی۔ پارلیمنٹ نے پابندی کا قانون معمولی اکثریت سے منظور کرلیا جس کے تحت اسرائیل کے ساتھ ہر قسم کی دفاعی یا دوہری استعمال کی ٹیکنالوجی کی برآمد و درآمد پر مکمل پابندی ہوگی۔ ایسے بحری جہازوں اور طیاروں کو بھی ہسپانوی بندرگاہوں اور فضائی حدود میں داخل ہونے سے روکا جائے گا جو ممکنہ طور پر فوجی استعمال کے لیے ایندھن یا سامان لے جا رہے ہوں۔
انتہائی بائیں بازو کی جماعت پوڈیموس کی رہنما آیونے بیلارا نے حکومت سے مطالبہ کیا کہ وہ موجودہ دفاعی معاہدوں کو منسوخ کرے اور اسرائیل سے تمام تعلقات ختم کرے۔