پاراچنار کا محاصرہ، منتخب نمائندے پر بولنے پر بھی پابندی

اسلام آباد: پاراچنار بائیس دن سے محاصرے میں اشیاء کی شدید قلت پیدا ہوگئی اور پاراچنار لایا جانے والا کھانے پینے کا سامان راستے میں لوٹا جارہا ہے لیکن حکومت اور سیکیورٹی اداروں نے خاموشی اختیار کررکھی ہے۔ ضلع کرم سے ایم این اے انجینیئر حمید حسین نے قومی اسمبلی میں آواز اٹھانے کی کوشش کی تو انہیں ایک بار پھر حق کی آواز بلند کرنے سے روک دیا گیا۔ انجینئر حمید حسین نے ایوان میں خطاب کرنا چاہا تو اسپیکر نے انہیں اجازت نہیں دی۔ پارا چنار کے محاصرے کو تین ہفتے سے زائد ہوگئے ہیں عوام فاقوں پر مجبور ہیں اور منتخب نمائنوں کو بولنے کی اجازت نہیں ہے۔