Raza Musani 
شیراز : ایران کے شہر شیراز میں امام زادہ شاہ چراغ (رح) پر ایک بار پھر دہشت گردوں نے حملہ کردیا۔ حملے میں ایک خادم شہید اور 8 زخمی ہوگئے۔ جس میں دو خدام بھی شامل ہیں۔ حکام کے مطابق دو دہشت گردوں نے باب المہدی گیٹ سے مزار میں داخل ہونے کی کوشش کی۔ خدام نے مزاحمت کی تو دہشت گردوں نے دروازے کے قریب ہی فائرنگ شروع کردی۔ گولیاں لگنے سے مزار کا ایک خادم شہید اور 8 افراد زخمی ہوگئے۔ جن میں سے 3 کی حالت تشویشناک ہے۔ سیکیورٹی اہلکاروں نے ایک حملہ آور کو گرفتار کرلیا، جبکہ دوسرا فرار ہوگیا۔ سپریم نیشنل سیکورٹی کونسل سے منسلک نور نیوز ایجنسی نے بتایا کہ دونوں حملہ آور غیر ملکی شہری تھے۔دہشت گرد گروپ داعش نے مہلک حملے کی ذمہ داری قبول کرلی ہے۔شاہ چراغ مزار پر گذشتہ سال 26 اکتوبر کو بھی دہشت گردوں نےایسا ہی حملہ کیاتھا۔ جس کے نتیجے میں 15 زائرین شہید اور بہت سے زخمی ہوگئے تھے۔
