شیخ زکزاکی کا نائیجیریا اور نائجر کے درمیان کشیدگی ایجاد کرنے کی امریکی اور فرانسیسی سازش پر انتباہ

ابوجا: نائیجیریا کے شیعہ رہنما آیت اللہ شیخ ابراہیم زکزاکی کا کہنا ہے کہ امریکا اور فرانس نائجیریا اور نائجر کے درمیان کشیدگی پیدا کرنے کے لیے دہشت گرد گروہ بوکو حرام کو استعمال کر سکتے ہیں۔ انہوں نے کہا کہ یہ ہماری جنگ نہیں بلکہ امریکا اور فرانس کی جنگ ہے۔ وہ نائیجیریا پر حملہ کرکے بحران پیدا کر سکتے ہیں اور ایسا ظاہر کر سکتے ہیں کہ نائجر اس کا ذمہ دار ہے۔ انہوں نے بعض ممالک کی جانب سے جمہوریت کے جھوٹے نام سے نائجر کے خلاف جنگ شروع کرنے کی کوشش پر حیرت کا اظہار کیا۔ انہوں نے مزید کہا کہ نائیجیریا میں متعدد بغاوتوں کے باوجود کسی بھی فریق نے اسے شہری حکومت کی طرف لوٹنے پر مجبور نہیں کیا۔ انہوں نے کہاکہ اگرچہ نائیجر نے اپنی فضائی حدود بند کر دی ہے، پھر بھی فرانسیسی طیارے اس سے گزرتے ہیں۔