Raza Musani 
ماسکو: روس نے یوکرین کے اگلے مورچوں کے ساتھ کئی کلومیٹر تک پیشقدمی کرلی۔ روس کی وزارت دفاع کا کہنا ہے کہ روسی افواج دشمن کی مزاحمت کو توڑ کر چار دنوں میں دو کلومیٹر آگے بڑھنے میں کامیاب ہو گئی ہیں۔ تاہم یہ واضح نہیں کیا گیا کہ افواج جنوب اور مشرق کے کس حصے کے ساتھ آگے بڑھنے میں کامیاب ہوئی ہیں۔برطانوی وزارت دفاع کا کہنا ہے کہ روسی فوجی یوکرین کے جنوب اور مشرق کے مقبوضہ علاقوں میں اپنی دفاعی پوزیشن کو مضبوط اور بڑھا رہے ہیں۔یوکرین کی فوج نے کہا کہ اس کی افواج نے ملک کے ڈونیٹسک،خارکیو، لوہانسک اور زپوریجھیا کے علاقوں میں روسی حملوں کو پسپا کر دیا ہے۔فوج نے فرنٹ لائن پر بھاری روسی گولہ باری کی اطلاع دی اور کہا کہ ڈونیٹسک کے باخموت شہر کے قریب 16 بستیوں پر بمباری کی گئی ہے۔
