سعودیہ اور ترکیہ میں سرمایہ کاری اور دفاع سمیت متعدد معاہدے

جدہ : ترک صدر رجب طیب اردوان کے سعودی عرب کے تاریخی دورے میں دونوں ممالک نے دفاع سمیت متعدد شعبوں میں معاہدے کیے۔ ترکیہ کے صدر طیب اردوان تعلقات کو مضبوط بنانے کے لیے خلیجی ممالک کے تین روزہ دورے کے پہلے مرحلے میں جدہ پہنچے۔ جہاں ان کا شاندار استقبال کیا گیا۔ اردوان نے شاہی محل میں سعودی ولی عہد شہزادہ محمد بن سلمان سے ملاقات کی۔ جس میں دوطرفہ تعلقات کے پہلوؤں مشترکہ تعاون کے امکانات اور مختلف شعبوں ترقی کے مواقع کا جائزہ لیا گیا۔ علاقائی اور بین الاقوامی صورتحال میں ہونے والی پیش رفت اور اس سلسلے میں کی جانے والی کوششوں پر بھی تبادلہ خیال کیا گیا۔ اس موقع پر دونوں ممالک کے درمیان سرمایہ کاری، دفاعی صنعت، توانائی اور مواصلات سمیت متعدد معاہدوں پر دستخط کیے۔ امریکی صحافی جمال خاشقجی کے قتل کے بعد ترکیہ اور سعودی عرب کے تعلقات انتہائی کشیدہ ہوگئے تھے۔ طیب اردوان نے محمد بن سلمان کو قتل کا براہ راست ذمہ دار قرار دیا تھا۔