Raza Musani 
اسلام آباد: ایم ڈبلیو ایم کے سربراہ سینیٹر علامہ راجا ناصر عباس نے کہاہے کہ بانی پی ٹی آئی کیخلاف فیصلے سیاسی انتقام کا شاخسانہ ہیں۔ القادر ٹرسٹ ، سائفر ، توشہ خانہ کیس ایجنڈے کے تحت چلائے گئے۔ پاکستان میں عدالتیں آزاد نہیں، کٹھ پتلیاں ہیں۔ ہماری عدلیہ طاقت اور اثر و رسوخ کی غلام بن چکی ہے۔ علامہ راجا ناصر عباس نے کہا کہ بانی پی ٹی آئی کسی دباؤ میں پیچھے نہیں ہٹیں گے،ان کی جدوجہد پاکستان کیلئے ہے۔ القادر ٹرسٹ کے بوگس فیصلے نے مذاکراتی عمل کو سخت چوٹ پہنچائی۔
