Raza Musani 
مناما : اردن اور جرمنی نے کہا ہے کہ غزہ میں بین الاقوامی فورس کو مستقبل میں فلسطینی پولیس کی مدد کے لیے اقوام متحدہ کی منظوری حاصل ہونی چاہیے۔
بحرین میں مناما ڈائیلاگ کانفرنس سے خطاب میں اردن کے وزیر خارجہ ایمن صفادی نے کہا کہ غزہ میں استحکام قائم کرنے والی فورس کی افادیت کیلئے سیکیورٹی کونسل کا مینڈیٹ ضروری ہے۔ انہوں نے کہا کہ اردن اپنی فوج نہیں بھیجے گا۔ البتہ بین الاقوامی فورس کے ساتھ تعاون جاری رکھے گا۔
جرمنی کے وزیر جوہان ویڈفل نے بھی کہا کہ فورس کو بین الاقوامی قانون کی واضح بنیاد پر کام کرنا چاہئے۔
امریکی ثالثی میں طے پانے والی جنگ بندی کے تحت عرب اور مسلم ممالک کی مشترکہ کوآرڈینیشن فورس فلسطینی پولیس کی تربیت اور حمایت کے لیے بھیجے جانے کی توقع ہے۔
