سعودی عرب امریکا کے ساتھ قطر جیسے دفاعی معاہدہ کا خواہاں

ریاض : سعودی عرب نے امریکا کے ساتھ قطر جیسا دفاعی معاہدہ کرنے کی کوشش شروع کردی ہے۔ جس کیلئے ولی عہد محمد بن سلمان اگلے ماہ وائٹ ہاؤس کا دورہ کریں گے۔
اخبار فنانشل ٹائمز کے مطابق محمد بن سلمان وائٹ ہاؤس میں امریکی صدر ڈونلڈ ٹرمپ سے ملاقات کریں گے۔ یہ دو ہزار اٹھارہ کے بعد دونوں رہنماؤں کے درمیان پہلی بالمشافہ ملاقات ہوگی۔ اخبار کے مطابق محمد بن سلمان ایک معاہدے کے ساتھ واپس سعودی عرب جانا چاہتے ہیں، جو ممکنہ طور پر قطر سے متعلق سابق امریکی انتظامیہ کے دفاعی معاہدے سے مشابہ ہو سکتا ہے۔ رپورٹ کے مطابق سعودی ولی عہد خطے کی حالیہ صورتحال کے پیش نظر عسکری اور انٹیلی جنس تعاون کو وسعت دینے کے خواہاں ہیں۔ سب سے بڑھ کر سعودی عرب جانتا ہے کہ موجودہ امریکی صدر ٹرمپ ان کے لیے ایک انتہائی آمادہ شراکت دار ہیں.
رپورٹ کے مطابق ٹرمپ خلیجی ریاستوں کی بھرپور حمایت کرتے آئے ہیں، خاص طور پر ان ممالک کی جو امریکا میں بڑے پیمانے پر سرمایہ کاری کرتے ہیں۔ ٹرمپ نے سعودی عرب کے انسانی حقوق کے ریکارڈ پر کسی قسم کی تنقید سے بھی گریز کیا ہے۔