Raza Musani 
ماسکو: روس نے امریکی خاتون اوّل جل بائیڈن اور ان کی بیٹی سمیت 25 امریکیوں پر سفری پابندی عائد کردی۔ روس نے امریکا کی سیاسی شخصیات اور تاجروں کے خلاف پابندیوں میں مسلسل توسیع کو جاری رکھتے ہوئے مزید 25 امریکیوں پر پابندی عائد کردی۔جن امریکی شخصیات کو اسٹاپ لسٹ میں شامل کیا گیا ہے اُن میں صدر جو بائیڈن کی اہلیہ اور بیٹی بھی شامل ہیں۔اسٹاپ لسٹ میں امریکی سینیٹرز سوسن کولنز، میک کونل، چارلس گراسلی اور کرسٹن گلیبرانڈ بھی شامل ہیں۔ اسکے علاوہ پروفیسرز، محققین اور حکومتی حکام بھی شامل ہیں۔روس کے یوکرین پر حملے کے بعد سے امریکا کی جانب سے بھی صدر پیوٹن اور روس پر مسلسل پابندیاں عائد کی جا رہی ہیں۔ یورپی یونین سمیت مغربی ممالک نے بھی تجارتی اور اقتصادی پابندیاں عائد کی ہیں۔
