Raza Musani 
ڈھاکا : بنگلہ دیش کی وزیراعظم حسینہ واجد نے کہا ہے کہ روہنگیا مہاجرین کو واپس میانمار جانا چاہیے۔ یہ بات انہوں نے اقوام متحدہ کی سفیر برائے انسانی حقوق مشیل بیچلٹ سے کہی جو آج کل بنگلہ دیش کے دورے پر ہیں۔ اور انہوں نے میانمار کی سرحد کے قریب واقع ضلع میں موجود روہنگیا مہاجرین کے خیموں کا دورہ کیا۔ حسینہ واجد نے کہا کہ روہنگیا افراد میانمار کے شہری ہیں اور انہیں واپس میانمار میں بلایا جانا چاہیے۔ اگست 2017 میں 7 لاکھ روہنگیا مسلمان بنگلہ دیش پہنچے جب میانمار کی فوج نے ان کے خلاف ایک آپریشن شروع کیا۔
