Raza Musani 
لندن : اسرائیل کے خلاف پابندیوں کی قرارداد برطانوی پارلیمنٹ میں پیش کردی گئی۔ پچھتر ارکان نے قرارداد کی حمایت کی۔ قرارداد میں اسرائیلی حکومت کے اس فیصلے کی شدید مذمت کی گئی جس کے تحت فلسطینی زمین کو ریاستی زمین قرار دے کر قبضے کو قانونی شکل دینے کی کوشش کی گئی۔ اراکین نے اس اقدام کو مزید فلسطینی اراضی ہتھیانے کی غیرقانونی کوشش قرار دیا۔ قرارداد میں زور دیا گیا کہ برطانیہ اپنی بین الاقوامی ذمہ داریوں کو پورا کرتے ہوئے ایسے تمام اقدامات روکے جو قبضے کو سہارا دیتے ہیں۔ حکومت سے مطالبہ کیا گیا کہ غیرقانونی صیہونی آبادکار بستیوں کی مصنوعات اور خدمات کی تجارت و سرمایہ کاری پر پابندی لگائی جائے۔قرارداد میں افراد اور اداروں پر سفری پابندیاں، اثاثے منجمد کرنے، تجارتی معاہدہ معطل کرنے اور اسرائیل پر مکمل اسلحہ پابندی عائد کرنے کا بھی مطالبہ شامل ہے۔
