Raza Musani 
دی ہیگ: بین الاقوامی فوجداری عدالت کے استغاثہ نے ججز پر زور دیا ہے کہ وہ صیہونی وزیرِ اعظم بنیامین نیتن یاہو اور ان کے سابق وزیرِ دفاع کے وارنٹ گرفتاری منسوخ کرنے کے لیے اسرائیل کی درخواست مسترد کر دیں۔ آئی سی سی کی ویب سائٹ پر پوسٹ کی گئی 10 صفحات پر مشتمل تحریری دستاویز میں استغاثہ نے کہا ہے کہ نیتن یاہو اور یوآو گیلنٹ کے زیرِ التواء وارنٹ واپس لینے یا ان سے دستبرداری یا دوبارہ طلبی کی کوئی بنیاد نہیں ہے۔ عدالتی دستاویز میں استدلال کیا گیا کہ موجودہ صورتِ حال میں جبکہ جرائم جاری ہیں اور بڑھ رہے ہیں بنیادی تفتیش کا جاری رہنا ضروری ہے۔ اسرائیل نے وارنٹ واپس لینے کے لیے اپنی درخواست میں دلیل دی کہ عدالت کے پاس نیتن یاہو اور گیلنٹ کے وارنٹ جاری کرنے کا دائرہ اختیار نہ ہے اور نہ ہی کبھی تھا۔ دعویٰ ہے کہ آئی سی سی کو اسرائیلی اقوام کے خلاف مقدمہ چلانے کا کوئی اختیار نہیں ہے۔
