حکومت اور پی ٹی آئی کے درمیان رابطے کی خبریں جھوٹی ہیں، شیخ وقاص اکرم

اسلام آباد: پاکستان تحریک انصاف کے سیکریٹری اطلاعات شیخ وقاص اکرم نے حکومت اور پی ٹی آئی کے درمیان رابطے کی خبروں کو جھوٹ قرار دے دیا۔ شیخ وقاص اکرم نے کہا کہ حکومت اور پی ٹی آئی کے درمیان کسی سطح پہ کوئی رابطہ نہ ہے نہ ہو سکتا ہے۔ پی ٹی آئی کے احتجاج کو کسی بھی حوالے سے روکا نہیں جاسکتا۔ اس طرح کی خبریں احتجاج اور اس کی تیاری کو نقصان پہنچانے کی کوشش ہے۔
واضح رہے کہ مقامی اخبار نے خبر شائع کی تھی کہ حکومت اور پی ٹی آئی کے درمیان اعلیٰ سطح کا رابطہ ہوا ہے۔ ممکنہ بریک تھرو کی کوششیں کی جارہی ہیں۔ اگر مذاکرات کامیاب ہوئے تو 24 نومبر کا احتجاج ملتوی ہوسکتا ہے۔