Raza Musani 
تل ابیب : غزہ کی دو سالہ جنگ کے دوران اسرائیلی شہری ملک چھوڑ کر بھاگنے لگے۔ اسرائیلی پارلیمنٹ کے ریسرچ اینڈ انفارمیشن سینٹر کی رپورٹ کے مطابق 2020 سے 2024 کے دوران تقریباً ایک لاکھ پینتالیس ہزار نو سو اسرائیلی طویل مدت کے لیے ملک چھوڑ گئے۔ دو ہزار تئیس میں جنگ شروع ہونے کے بعد بیاسی ہزار آٹھ سو شہری اسرائیل سے باہر چلے گئے۔
رپورٹ کے مطابق سب سے زیادہ تل ابیب کے شہری بیرون ملک منتقل ہوئے جن کی تعداد چودہ فیصد رہی۔ اس کے بعد حیفا، نیتانیا اور یروشلم کا نمبر آتا ہے۔ پارلیمنٹ کی امیگریشن کمیٹی کے چئیرمین گیلاڈ کاریو نے ان اعداد و شمار کو سونامی قرار دیا اور کہاکہ یہ صورتحال اسرائیلی معاشرے کے استحکام کے لیے ایک حقیقی تزویراتی خطرہ ہے۔
