Raza Musani 
کوپن ہیگن: دنیا بھر میں مذمت اور احتجاج کے باوجود ڈنمارک میں قرآن پر حملے بند نہ ہوسکے۔ ڈنمارک کے اسلام مخالف گروپ ڈانسکے پیٹریاٹس نے ایک بار پھر قرآن کو نذرِ آتش کیا۔ گروپ کے ارکان نے دارالحکومت کوپن ہیگن میں پاکستان، الجزائر، انڈونیشیا اور مراکش کے سفارت خانوں کے ساتھ ساتھ ایک مسجد کے سامنے قرآن پاک کے نسخے جلائے۔ اسلام دشمنوں نے اپنے اشتعال انگیز گھناؤنے فعل کے دوران اسلام مخالف نعرے لگائے۔ اس موقع پر شرپسندوں کو پولیس کا مکمل تحفظ حاصل رہا۔ اس گھناؤنے فعل کو فیس بک پر براہ راست نشر کیا گیا۔ حالیہ مہینوں میں اسلامو فوبک شخصیات یا گروہوں کی طرف سے یورپی ممالک میں توہین قرآن کے واقعات کے تسلسل پر مسلم ممالک میں غم و غصہ کی لہر دوڑ گئی ہے۔
