Raza Musani 
ملتان : چاردیواری کے اندرمجالس کےانعقاد پر پنجاب کے مختلف شہروں میں منتظمین کیخلاف مقدمات درج کرلئے گئے، پنجاب میں مجالس پر مقدمات کا اندراج سیالکوٹ سے شروع ہوا جہاں تھانہ مراد پور کی حدود میں گھر کے ا ندر خواتین کی مجلس عزا کے دوران پولیس نے دھاوا بول کر خواتین کو ہراساں کیا اور اجازت نامہ طلب کیا، اجازت نامہ ظاہر کرنے کی صورت میں بانی مجلس و صاحب خانہ شاہد حسین ولد افضل سکنہ رتیاں سیداں اور ان کی اہلیہ سمیت 10 نامزد خواتین کیخلاف 16 ایم پی او کے مقدمہ درج کرلیا، ادھر ملتان صدر کے علاقے قادر پور راں میں امام بارگاہ جاگیر علی اکبر میں چار دیواری کے اندر مجلس عزا پر متولی کے خلاف پولیس کی مدعیت میں مقدمہ درج کیا گیا، ضلع وہاڑی کے علاقے کرم پور میں بھی چار دیواری میں منعقد ہونے والی مجلس کے منتظم کے خلاف مقدمہ درج کرکے گرفتاری کے لئے چھاپے مار رہی ہے، اس سے پہلے مظفرگڑھ میں بھی مجلس عزاء کے انعقاد پر مقدمہ درج کیا گیا تھا، تحفظ عزاداری امام حسین علیہ السلام نے مجالس کے خلاف پولیس کارروائی کی مذمت کرتے ہوئے آر پی او اور سی پی او ملتان سے اپیل کی ہے کہ وہ ایسے واقعات کا نوٹس لیں، بصورت دیگر عوام میں اشتعال پھیلے گا۔
