مظلوم فلسطینیوں کے لئے دنیا بھر میں احتجاج کا سلسلہ جاری

واشنگٹن : مظلوم فلسطینیوں کے لئے دنیا بھر میں احتجاج کا سلسلہ جاری ہے۔ امریکا، کینیڈا، یورپ اور مسلم دنیا میں میں جگہ جگہ فلسطینی عوام کے لئے مظاہرے کئے گئے۔ امریکا کے شہر نیویارک میں اسرائیل مخالف سینکڑوں یہودیوں نے گرینڈ سینٹرل اسٹیشن پر دھرنا دے دیا۔ مظاہرین کی بڑی تعداد اسٹیشن پر جمع ہوئی اور فلسطین کی نسل کشی بند کرو کے نعرے لگائے۔ مظاہرین نے غزہ میں فوری جنگ بندی کا مطالبہ کیا۔ احتجاج میں شامل کئی افراد کو نیویارک پولیس نے حراست میں لیا۔
شکاگو میں بھی ہزاروں افراد نے فلسطین کے ساتھ اظہاری یکجہتی کے لئے نعرے لگائے اور فوری اسرائیلی بمباری کو بند کرنے کا مطالبہ کیا۔ کینیڈا کے شہر ٹورنٹو میں غزہ کے لیے احتجاج کیاگیا۔فلسطینیوں کی نسل کشی کو روکنے کے لئے عالمی دنیا سے اپیل کی۔
اردن کے دارالحکومت عمان میں ہزاروں مظاہرین نے اسرائیلی سفارت خانے پر دھاوا بول دیا ، پولیس نے مظاہرین کو روکنے کے لئے آنسو گیس کی شیلنگ کر دی۔
پاکستان، یمن، عراق، قطر، قاہرہ، لبنان، لیبیا، انڈونیشیا کے دارالحکومت جکارتا میں بھی فلسطینیوں کے لئے مظاہرے کئے گئے دنیا کے مختلف حصوں میں فلسطین کی حمایت میں مظاہرے ریکارڈ کیے گئے۔