Raza Musani 
بغداد : عراق کے الحکمہ گروپ کے سربراہ عمار الحکیم نے عراقی انتخابات کے نتائج کو مسترد کرنے والے مظاہرین پر زور دیا کہ وہ اپنے پرامن فریم ورک سے الگ نہ ہوں۔الحکیم نے تمام جماعتوں پر زور دیا کہ وہ اس حساس حالات میں اعلیٰ ترین قومی مفاد کو ترجیح دیں۔ انہوں نے انتخابی کمیشن اور عدالتی ادارے سے موصول ہونے والی اپیلوں اور اعتراض کرنے والی قوتوں کے اعتراضات کے منصفانہ حل پر زور دیا۔ صدر تحریک کے رہ نما مقتدیٰ الصدر نے کہا ہے کہ انتخابی چیلنجوں کے لیے پرامن مظاہروں کو تشدد اور ریاست کو نیچا دکھانے کے احتجاج میں تبدیل نہیں ہونا چاہیے۔الصدر نے اس بات پر بھی زور دیا کہ ریاست کو پرامن مظاہرین کے خلاف تشدد کا سہارا نہیں لینا چاہیے۔
