Raza Musani 
اسلام آباد: صدر عارف علوی نے اعتراف کیا ہے کہ حکومت اور اپوزیشن کے درمیان مذاکرات کی کوششیں کامیاب نہیں ہوئیں۔ صدر عارف علوی نے بی بی سی کو انٹرویو میں کہا کہ اتحادی حکومت تحریک انصاف کے ساتھ بات چیت میں ٹال مٹول سے کام لے رہی ہے۔ ایک ماہ کے دوران حکومتی اتحاد اور پی ٹی آئی میں کوئی رابطہ نہیں ہوا اور نہ ہی مذاکرات کی درخواست کا جواب دیا گیا۔ انہوں نے کہا کہ سیاسی جماعتوں سمیت تمام اسٹیک ہولڈرز نے اختلافات نظر انداز کرتے ہوئے بات چیت کا آغاز نہ کیا تو معاشی حالات مزید خراب ہو سکتے ہیں۔ سیاسی درجہ حرارت کو کم کرنا نا گزیر ہے۔ صدر نے کہا کہ سوشل میڈیا کے باعث عمران خان اور سابق آرمی چیف کے درمیان اختلافات ہوئے۔ وہ سمجھتے ہیں کہ ملک میں فیصلہ ساز قوتیں سوشل میڈیا کو صحیح طریقے سے ہینڈل نہیں کر پاتیں۔
