Raza Musani 
ماسکو: روسی صدر پیوٹن کیخلاف بغاوت کرنے والے فوجی گروپ ویگنر کے سربراہ یوگینی پریگوزن طیارہ حادثے میں ہلاک ہوگئے۔ روس کے دارالحکومت کے شمال مغربی علاقے میں ویگنر کا نجی جہاز گر کر تباہ ہوگیا۔ جہاز ماسکو سے سینٹ پیٹرزبرگ جارہا تھا جس میں 7 مسافر اور عملے کے تین افراد سوار تھے۔ حادثے میں تمام دس افراد ہلاک ہوگئے جس میں پریگوزن بھی شامل ہیں۔ روسی حکومت نے حادثے کی تصدیق کرتے ہوئے بتایا کہ جہاز میں ویگنر گروپ کے سربراہ بھی سوار تھے جو حادثے میں ہلاک ہوئے۔ ویگنر گروپ کے ترجمان نے دعویٰ کیا ہے کہ طیارے کو زمین سے نشانہ بنایا گیا ہے۔ وائٹ ہاؤس سے جاری بیان میں کہاگیا ہےکہ روسی ویگنر گروپ کے سربراہ یوگینی پریگوزین کی موت کوئی تعجب کی بات نہیں ہے تاہم ابھی اسکی تصدیق ہونا باقی ہے۔ ویگنر گروپ نے رواں سال جون میں روسی فوجی قیادت کیخلاف بغاوت کااعلان کیا تھا۔ تاہم بعد میں بیلاروس جلاوطنی معاہدے کے بعد بغاوت ختم کردی تھی۔
