Raza Musani 
کویت سٹی: کویت میں دہشتگردی کی بڑی کارروائی ناکام ہوگئی۔ دہشت گرد تکفیری تنظیم سے تعلق رکھنے والے 3 افراد کو گرفتار کرلیا گیا ہے۔ وزارت داخلہ کے مطابق ایک دہشت گرد سیل کا منصوبہ ناکام بنایا ہے جو اہل تشیع کی عبادت گاہوں کو نشانہ بنانے کا ارادہ رکھتا تھا۔ سکیورٹی اہلکاروں نے اس سیل پر نظر رکھی اور اس کی نقل و حرکت کو مانیٹر کیا جس کے بعد گرفتاریاں عمل میں لائی گئیں۔ ان ملزمان کو پبلک پراسیکیوشن کے حوالے کیا گیا ہے تاکہ ان کے خلاف قانونی کارروائی کی جا سکے۔
