Raza Musani 
میڈرڈ : اسپین کے وزیراعظم پیڈرو سانچیز نے کہا ہے کہ غزہ میں امن کا مطلب نسل کشی کرنیوالوں کو احتساب سے استثنیٰ نہیں ہونا چاہئے۔ ہسپانوی وزیراعظم پیڈرو سانچیز نے کہا کہ غزہ میں امن انصاف کی قیمت پر نہیں ہونا چاہیے، اور جو لوگ مظالم کے ذمہ دار ہیں انہیں قانون کے کٹہرے میں لایا جانا ضروری ہے۔ امن کا مطلب بھول جانا یا معافی نہیں ہو سکتا۔
ان کا کہنا تھا کہ غزہ میں جو نسل کشی کی گئی، اس کے مرکزی کرداروں کو انصاف کے سامنے جواب دینا ہوگا۔ سانچیز نے کوسوو جنگ کے دوران اقوام متحدہ کے ساتھ اپنے تجربے کو یاد کرتے ہوئے کہا کہ اُس وقت بھی جنگی جرائم پر مقدمات چلائے گئے اور مجرموں کو سزا دی گئی تھی، لہٰذا غزہ کے معاملے میں بھی انصاف کے تقاضے پورے ہونے چاہئیں۔ انہوں نے مزید کہا کہ تشدد کے خاتمے کے بعد اب ایک موقع پیدا ہوا ہے کہ اسرائیل اور فلسطین کے درمیان صاف گوئی پر مبنی مذاکرات ہوں اور دو ریاستوں کے قیام کو تسلیم کیا جائے۔
