افغانستان میں امن ہمیشہ پاکستان کی ترجیح رہا ہے، سربراہ آئی ایس آئی

کابل : ڈی جی آئی ایس آئی جنرل فیض حمید نے کہا ہے کہ پاکستان امن و استحکام کے لیے کام کر رہا ہے، افغانستان میں امن ہمیشہ پاکستان کی ترجیح رہا ہے،جنرل فیض حمید گذشتہ روز اعلیٰ فوجی حکام کے وفد کے ساتھ کابل پہنچے اور مصروف دن گذارا، انہوں ںے طالبان کے نائب امیر اور سیاسی شعبے کے سربراہ ملا عبدالغنی برادر، حزب اسلامی کے سربراہ گلبدین حکمت یار اور دیگر رہنماؤں سے ملاقاتیں کیں، ملاقاتوں میں پاکستان اور افغانستان کے درمیان اقتصادی اور تجارتی تعلقات، سیکیورٹی سمیت اہم دوطرفہ امور پر بھی گفتگو کی گئی، پاک افغان سرحدی صورتحال ، مجموعی سلامتی کے مسئلے پر بھی مشاورت کی گئی۔