صیہونی فوج کی فائرنگ سے فلسطینی بچہ شہید، درجنوں زخمی

مقبوضہ بیت المقدس : قابض اسرائیلی فوج نے مقبوضہ مغربی کنارے کے شمالی شہر نابلس میں فلسطینی بچے کو گولیاں مار کر شہید کردیا۔ 13 سالہ محمد دعدس کو پیٹ میں گولیاں ماری گئیں۔ادھر نابلس میں ہی اسرائیلی فوج اور فلسطینیوں کے درمیان جھڑپیں ہوئیں۔ قابض فوج نے فلسطینیوں پر آنسو گیس کی شیلنگ اور دھاتی گولیوں کا استعمال کیا جس کے نتیجے میں درجنوں افراد زخمی ہوگئے۔ نابلس کے نزدیک واقع بیتہا اور بیت دجن قصبوں میں جمعہ کو پانچ دیگر فلسطینی زخمی ہوئے۔