افغانستان سے انخلا کے عمل میں پاکستان کا کردار قابل تعریف ہے، ہسپانوی وزیرخارجہ

اسلام آباد : پاکستانی وزیر خارجہ شاہ محمود قریشی سے اسپین کے ہم منصب نے ملاقات کی اور افغانستان کی صورتحال پر تبادلہ خیال کیا، ملاقات کے بعد مشترکہ نیوز کانفرنس میں شاہ محمود قریشی نے کہاکہ پاکستان اور اسپین کے مقاصد یکساں ہیں، دونوں ممالک امن کے خواہاں ہیں، پاکستان نے دوحہ مذاکرات میں اہم کردارادا کیا، انہوں نے مطالبہ کیا کہ عالمی برادری کوافغانستان میں معاشی بہتری کیلئےکردارادا کرناہوگا، وزیر خارجہ کا مزید کہنا تھا کہ افغانستان میں امن خطے کےمفاد میں ہے اور افغانستان میں معاشی بحران کسی کے حق میں نہیں۔ ہمیں مل کر افغانستان کوانسانی بحران سےبچانا ہوگا،ہسپانوی وزیرخارجہ نے کہا کہ افغانستان سے انخلا کے عمل میں پاکستان کا کردار قابل تعریف ہے، افغانوں کو مشکل میں تنہا نہیں چھوڑیں گے، اسپین پاکستان کے ساتھ مزید کام کرناچاہتا ہے، افغانستان سمیت دنیا میں کہیں بھی انسانی حقوق کی خلاف ورزی نہیں ہونی چاہیے۔