پاکستان ٹی ٹی پی سے مذاکرات سے پیچھے ہٹ گیا، طالبان وزیر خارجہ

کابل: افغانستان کے قائم مقام وزیر خارجہ امیرخان متقی نے انکشاف کیا ہے کہ ٹی ٹی پی کے معاملے میں پاکستان بات چیت سے پیچھے ہٹ گیا۔ تہران میں امیر خان متقی نے سینیٹر مشاہد حسین سید سے سائڈ لائن ملاقات کی۔ اور کہا کہ مذاکرات سے مسائل کا حل چاہتے ہیں۔ ان کیا کہنا تھا کہ تحریک طالبان پاکستان فاٹا کے انضمام سے مطمئن نہیں ہے۔ وہ فاٹا کی پرانی حیثیت پر بحالی چاہتے ہیں۔ اس معاملے پر پاکستان مذاکرات سے پیچھے ہٹ گیا جس سے بات چیت میں تعطل پیدا ہوا۔ افغانستان پاکستان سے تمام مسائل بات چیت سے حل کرنے کا خواہاں ہے۔