پاکستان، اقوام متحدہ میں افغانستان کا معاشی زوال روکنے کا مطالبہ کرے گا

نیویارک : وزیر خارجہ شاہ محمود قریشی اقوام متحدہ کی جنرل اسمبلی کے 76ویں اجلاس میں شرکت کےلیے نیویارک روانہ ہو گئے، جس میں پاکستان، اقوام متحدہ کے ساتھ مل کر دنیا پر زور دے گا کہ وہ افغانستان میں معاشی تباہی کو روکے، اقوام متحدہ میں پاکستان کے سفیر منیر اکرم نے کہا ہے کہ ہمیں افغانستان کو مستحکم کرنا ہے، پاکستان افغانستان میں معاشی تباہی کی روک تھام کے مطالبے کے لیے اس موقع کا فائدہ اٹھائے گا، جو اس معاملے پر سیاست کرنا چاہتا ہے وہ سیاست کر سکتا ہے لیکن ہر کوئی اقتصادی تباہی کے نتائج سے واقف ہے، منیر اکرم نے کہا کہ معاشی تباہی سے انسانی بحران پیدا ہو سکتا ہے، مہاجرین کی آمد، تنازعات زندہ، منشیات کی اسمگلنگ اور دہشت گردی بڑھ سکتی ہے، ان سب چیزوں سے اجتناب کرنا چاہیے ۔