پاک، افغان وزرائے خارجہ کا ٹیلی فونک رابطہ، دہشت گردی مشترکہ خطرہ قرار

اسلام آباد: پاکستان کے وزیر خارجہ بلاول بھٹو زرداری نے افغانستان کے قائم مقام وزیر خارجہ امیر خان متقی سے ٹیلی فونک رابطہ کرکے کابل میں دہشت گردی کے واقعے کی مذمت کی۔ ترجمان دفتر خارجہ کے مطابق بلاول بھٹو زرداری نے کہا کہ دہشت گردی پاکستان اور افغانستان کے لیے مشترکہ خطرہ ہے۔ وزیر خارجہ نے دہشتگردی کے خاتمے کے لیے افغانستان سے مل کر کام کرنے کے عزم کا اعادہ کیا۔ اس موقع پر افغان وزیر خارجہ کا کہنا تھا کہ دشمن افغانستان کے امن کو تباہ کرنے کی کوشش کر رہے ہیں لیکن وہ ان کا راستہ روکیں گے۔