Raza Musani 
نئی دہلی: ہندوستانی ریاست اتراکھنڈ میں ہندو انتہا پسند تنظیموں نے مزارات گرانے کی منظم مہم شروع کردی۔ اتراکھنڈ کے ضلع رشی کیش میں مقامی ہندو تنظیم دیو بھومی رکھشا ابھیان سے وابستہ حملہ آوروں نے علاقے میں ایک اور مزار پر دھاوا بولا اور جے شری رام کے نعرے لگاتے ہوئے قبر اور اس کے کتبے کو ہتھوڑوں سے توڑ دیا۔ ویڈیو میں شرپسند کہتے سنے جاسکتے ہیں کہ انہوں نے قبر سے میت کی باقیات کو نکال کر باہر پھینک دیا ہے۔ حملہ آوروں کو مقامی انتظامیہ کی مکمل سرپرستی حاصل ہے جس کے بلڈوزر بھی اس گھناؤنے کام میں مصروف ہیں۔ چند گھنٹوں قبل ہی رشی کیش کے علاقے امیت گرام میں حملہ آوروں نے ایک مزار کو ڈھادیا تھا۔ دونوں مزار گرانے کی ویڈیو مذہبی اقلیتوں پر حملوں پر نظر رکھنے والے تحقیقی ادارے ہندوتوا واچ نے اپنے پیج پر جاری کی ہے۔
