کنٹرول لائن پر بھارتی فائرنگ سے ایک کشمیری جاں بحق، 3 خواتین زخمی

مظفرآباد: بھارتی فوج کی جانب سے لائن آف کنٹرول پر سیز فائر معاہدے کی خلاف ورزی کی گئی ہے۔ بھارتی فوج نے ایل او سی کے نکیال سیکٹر پر بلا اشتعال فائرنگ کی جس کے نتیجے میں 60 سالہ شخص غیاث جاں بحق ہوگیا۔ بھارتی فوج کی فائرنگ سے کھیتوں میں گھاس کاٹنے والی تین خواتین بھی زخمی ہوئیں۔
آئی ایس پی آر کا کہنا ہے کہ پاکستانی عوام کے خلاف کسی بھی مہم جوئی کا بھرپور جواب دیا جائے گا، پاکستان اپنی سرحدوں پر امن و سکون کا خواہاں ہے۔ شہریوں کے جان و مال کے تحفظ کے لیے تمام ضروری اقدامات کیے جائیں گے۔