او آئی سی کے سیکریٹری جنرل کے نمائندے کی حریت رہنماؤں سے ملاقات، حمایت کا اعادہ

اسلام آباد : او آئی سی کے سیکریٹری جنرل کے خصوصی نمائندے یوسف محمد ادوبئے نے کل جماعتی حریت کانفرنس کے وفد سے ملاقات کی حریت رہنماؤں نے مقبوضہ کشمیر میں بھارتی مظالم کے خلاف او آئی سی کی حمایت پر شکریہ ادا کیا اور مقبوضہ کشمیر میں انسانی حقوق کی خلاف ورزیوں پر اعتماد میں لیاحریت رہنماؤں نے نمائندہ خصوصی کو بھارت کے 5 اگست 2019 کے غیر قانونی اقدامات اور مقبوضہ کشمیر کو ہندو اکثریتی علاقے میں تبدیل کرنے کی کوششوں سے بھی آگاہ کیا حریت رہنماؤں نے بھارت کے غیر قانونی اقدامات کو مسترد کرتے ہوئے انہیں اقوام متحدہ سلامتی کونسل کی قراردادوں اور جینوا کنونشن کے منافی قرار دیا نمائندہ خصوصی نے کشمیریوں کی منصفانہ جدوجہد پر او آئی سی کی مکمل حمایت کا اعادہ اور بھرپور اظہار یکجہتی کیا۔