Raza Musani 
اسلام آباد: بانی چیئرمین تحریک انصاف سمیت پی ٹی آئی کے متعدد امیدواروں کے الیکشن 2024ء کیلئے جمع کروائے گئے کاغذات نامزدگی مختلف اعتراضات کی بنیاد پر مسترد کر دیے گئے ہیں۔
الیکشن کمیشن کے ریٹرننگ افسران نے تحریک انصاف کے بانی، وائس چیئرمین شاہ محمود قریشی، پرویز الہی، اعظم خانی سواتی، حماد اظہر، مراد سعید، زلفی بخاری سمیت تمام سرکردہ رہنماؤں کے کاغذات نامزدگی مسترد کردئے، شاہ محمود قریشی کے بیٹے زین قریشی اور مہربانو کے کاغذات نامزدگی بھی مسترد ہوگئے۔ عرفان خان، علی محمد خان، علی امین گنڈا پور، ڈاکٹر یاسمین راشد، اسد قیصر، فضل حکیم، شرافت علی، صبغت اللہ، ڈاکٹر امجد کے کاغذات نامزدگی بھی مسترد کر دیے گئے۔ پی ٹی آئی کے حامی شیخ رشید اور ان کے بھتیجے راشد شفیق، سابق وزیراعلیٰ پنجاب پرویز الٰہی کی اہلیہ قیصرہ الہیٰ اور بیٹے مونس الہیٰ ، اعجاز الحق، بابر سلطان جدون، سابق وزیر قانون پنجاب محمد بشارت راجہ، ناصر راجہ، زیاد خلیق کیانی کے کاغزات بھی مسترد کردئے گئے۔
